Publications

Suliatigut politikikkullu angerlarsimaffeqannginneq naalagaaffimmi nunallu assigiinngitsut akornanni nassuiaatissallugu unammillernartarpoq. Suliatigut peqqutaavoq, umammillernarami eqimattat killilissallugit, assersuutigalugu innuttaasunut neqeroorutit soorlu: akunnittarfik, inersuaq sinittarfik, kialaarfiit isumaginninnermilu suliniutit. Politikkikkut sammineqarnikuuvoq, ajornartorsiut qanoq isummerfigineqarnikuunersoq. Siornatigut politikkikkut USA-mi aamma Europami angerlarsimaffeqannginneq pillugu eqqartorneqarnikuuvoq, inuttut nammineq ajornartorsiutaasoq – taamaattumillu innuttaasoq pineqartoq nammineq iliuuseqarfigisariaqarsimallugu. Periarfissaasimanngippat naalagaaffinnit atugarissaarfiusunit pilersitsinerup nalaani assigiinngitsunik suliniuteqarnermi peqarpoq oqaluffiit, kajumissutsimik peqatigiiffiit, imaluunniit nunani ilaanni pisortani neqeroorutit aqqutigalugit. Ullumikkut naalagaaffinni atugarissaarfinni nutaanerusuni angerlarsimaffeqannginneq eqqartortarpaat soorlu pissutsinik tunngasunik ajornartorsiutaasoq1,2, peqqutigisinnaalluugu inissiamit nalaatsorlunnerit, illoqarfimmi nunamilu sulinngiffeqarneq, aningaasaqarnikkullu nutaanerit annertuumik allanngorarnerit, nunarsuarmi tuniniaavinni naalagaaffinnilu aningaasaqarnikkut sunnersimallugit.

Ilisimatitsinermi nassuiaammi naggataani angerlarsimaffeqannginnermit pingaarnertut immikkoortiterineq siunnersuutaavoq, ilagai ersilluni ersinngitsumillu (isertortumik) angerlarsimaffeqannginneq. Pingaarnertut aappaattut immikkoortiterinermi ilagai angerlarsimaffeqannginnissamut navianartorsiorneq, angerlarsimaffeqannginnissamut qanittut.